Saavan: The Golden Heart Read online

  DO CHEEZE...

  Do chize mujhe aksar yaad aati hai...

  Eke uski Ahat aur dusri uski muskurahat,

  Do chizo se mai hamesha derta hu..

  Eke uske Rone se aur dusra use khone se,

  Do chize mujhe aksar pareshan karti hai...

  Eke uski Berukhi aur dusri uski Khamoshi,

  Do chizo ke liye mere paas hamesha woqt rahta hai...

  Eke uski dawa ke liye dusra uske liye Dua ke liye,

  Do chizo pe mai hamesha apna haq samjhta hu..

  Eke uske hath ke Gulab pe dusra uske her ik Khwab pe,

  Do lamho me mera dill zoro se dhadkta hai...

  Eke jab wo mere paas ati hai aur dusra jab wo mujhse dur jati hai,

  Do chizo ke bina mai reh nahi sakta......

  Eke uska Ehsaas dusra mujhpe uska Vishwas,

  Do chizo se usne mujhpe Ehsaan kiya..

  Eke mujhse pyar karke dusra mujhpe Aitbar karke,

  Do chizo ke liye mai Duniya chhor sakta hu.

  Eke uski Hasi ke liye aur dusra uski ‘Khushi’ ke liye...

  MERA ATEET...

  Jane kaisa ye anjaan savera hai..

  Ujali dhup ke bich halka-halka sa andhera hai

  Atit ki darazo me kahi kho sa gaya hu mai.

  Aaj fir teri yaado ne ghera hai..

  Aaj fir se bigda nasib lagta hai...

  Aaj fir se rutha sa habib lagta hai

  Jaise ubhr ati hai purani chote kisi Bayar se

  Aaj ki hawa me bhi waisa hi kuchh Azeeb sa lagta hai

  Fir wahi purani Aab-o-hawa

  Fir wahi Larazti-Thithakti haya

  Fir wahi tej raftar dhadkano ki aahat

  Fir wahi Kaapte hotho pe kisi ke liye Dua..

  Fir se uska mujhpe saaya hai

  Fir meri aankho me uska chehra samaya hai

  Koi bacha lo mujhe uski parchhai se Sahib

  Aaj fir mujhe chhalne mera ATEET aya hai...

  MOHABBAT KE KISSE...

  Apni Mohabbat ka Kissa bada Khub tha..

  Wo jitni chalak thi.. Mai utna hi Bewakuf tha

  Wo mujhe dekhke yu hi muskarati thi

  Aur mai chupchap Maa ke pichhe chhup jata tha

  Chikoti katker jab wo bhagti thi..

  Mai lachar sa yu hi aasu bahata tha

  Tangdi laga ke wo yu hi mujhe girati thi

  Aur mai apne gande kapdo ko dekhke jhallata tha

  Chahta to do thappad use laga sakta...... Tha

  Chahta to use mai bhi rula sakta tha..

  Per jane kyu mai use kuchh keh nahi pata tha

  Uske khilaf eke lafz bhi mai sah nahi pata tha

  Mai baat-baat pe yu hi us se ladta tha

  Wo 16 ki ho gayi aur mai 12 vi me padhta tha

  Woqt ki rahmat shayed uspe jyada meherban ho gayi

  Mai jaise-jaise bada hua.. Wo bhi jawan ho gayi

  Eke din achanak usne mujhe apni baho me bher liya

  Aur maine is bat ka zikr uske abbu se ker diya

  Usne mujhe izhare mohabbat ka paigam diya

  Aur maine pyar se wo Khat uske abba huzur ke hatho me rakh diya

  Fir kya tha agle mahine meri barbadi ho gayi

  Mai dekhta reh gaya aur uski Shadi ho gayi

  Khuda ki Nemat hai... Ye kuchh pyari si bate hai

  Mohabbat ke Kisse ‘Ladko’ ki samajh me...

  Zara der se aate hai...

  USI KE NAAM SE...

  Is Anuthe jaha ki fitrat anokhi hai

  Yaha jo nakara dikhta hai usi ka kam hota hai

  Jo tanha hai akela hai jindagi uski achhi hai

  Mahfilo ke bich rahne me bada hi jham hota hai

  Jaha sikko ki ahmiyat Rishto se jyada ho

  Waha Apnatva ka sahib kaha kam hota hai

  Jo sahil hai unhe samander ki gahraiyo se kya

  Unki najro me to bas Lahro ka dam hota hai

  Anjani surat hui to kya padhne ka hausla to ho

  Her ik nazar me ik naya Paigam hota hai...

  Log marke bhi amar rahte hai Mahbob ke dil me

  Mohabbat karne ka itna bada INAM hota hai

  USE badnam kahne ki bhala Zurrat meri kya hai

  Usi ke naam se hi to apna NAAM hota hai...

  HASTE HUE...

  Mere Humdam Mere Dost..

  Khushi me to sab haste hai, Kabhi Gum me bhi Muskraya karo..

  Hum to Hawa ki tara hai..kal rahe na rahe

  Jab tak Zindagi hai,Saath nibhaya karo

  Bas hum hi bayan karte hai Jazbat apne

  Kabhi tum bhi to Hal apna sunaya karo

  Humne to dekhi hai tumhari her ada Dil se

  Itne bure to nahi hum, Kabhi hum pe bhi gaur farmaya karo

  Tumhari gali ke chakkar katete-katete Chhale par gaye hai Pawon me

  Kabh tum bhi to hamare der pe Tashrif laya karo

  Tum khud us Khuda ki likhi Ibarat ho to is Chehre pe ye Udasi kyu..

  Haste huye aya karo..Haste huye Jaya karo...

  AKSH...

  Jab Jindagi usko thoda-bahut satati thi

  Wo Beperwah si daudkar meri Baho me sama jati thi..

  Yu hi ladna-jhagdna uski adao me shamil tha

  Uska.. meri khatir tarasna-tadapna Tarif ke kabil tha

  Mera koi Gum kabhi usse tala nahi jata tha

  Mere bagair kabhi uske halaq se Niwala nahi jata tha..

  Mere paas rahne ka usko Zunu tha

  Mujhe dekhna uske liye sabse bada Suku tha

  Kabhi hum ik-duze ke dil ka Arman the

  Kabhi hum ik-duze ki Jaan the

  Aaj bhi wo mere liye karwate badlti hai

  Aaj bhi wo mujhe sine se lagane ko machalti hai

  Aaj bhi wo mere pas daudker ati hai

  Per meri akhon me jhakkar achanak ruk jati hai

  Shayed ab mai wo Sakhsh nahi rah gaya...

  Jab se 'Shadi' kisi aur se hui uski..

  Shayed Meri Ankhon me uska 'Aksh' nahi rah gaya...

  YA MAULA...

  Badi Dhup hai is Zindagi ki Pathrili Raho me

  Mai Pag-Pag Sochata hu ki kahi Aram Kar lu

  Ik Sadi Guzri Sar-e-Sham Chalte hue

  Kahi ‘Chhav’ mile to apni Sham ker lu

  Wo na chahe na mile Mujhe ‘Gila’ kya hai per

  Koi to mile Sang jiske mai khud ko Gumnam ker lu

  Maushiqi bhi Muflishi me DAGA karti hai

  Ashiqui Apni hai jab chahu ise Khul-e-aam ker lu

  Kisi baat se Daru to Kyu Bhala Jab USKA hath ser pe hai

  Mai jo chahu apni Kismat ka Anjam ker lu

  Jab ‘Do-Pal’ bache is Zindagi ke...

  Ya Maula... Mujhe Ittala ker dena

  Mai chahunga wo Do-Pal mai ‘Tere Naam’ Ker Lu

  HAA MAI...

  Haa mai Use Pana Chahta hu...

  Uske Gesuo ko Apne Hatho se Sul-jhana chahta hu

  Uske Aasuo ko apni Palko me Chhupana Chahta hu

  Bahut Kat chuki ye Zindagi Mayusi me Tanha...

  Uske Sath Ab apni Mahfile Sajana Chahta hu

  Ha mai Use Pana chahta hu...

  Uski Kasmo me Apna Thikana Chahta hu

  Uske wado me Apna Fasana Chahta hu

  Chhorker Chinta-Fiker Duniya-Dari Ki sari

  Uski Yado me Khud Ko Bhul Jana chahta hu

  Haa mai Use Pana Chahta hu...

  Apni Shamo me Uski Baato ki Sug-Bugahat lana chahta hu

  Apni Rato me Uske Kadmo ki Ahat lana chahta hu

  Kabse Jagta raha Aankho me Aasu liye...

  Apni Subaho me Uski Muskurahat lana chahta hu

  Haa mai Use Pana Chahta hu...

  Apne Gito ko Uske Kano me Gungunana Chahta hu

  Apni Gazlon se Uska Jiwan Mahkana chahta hu..

  Zindagi ki Bhaga-Daudi me jab wo Thaq ke chur ho jaye

  Apne Atpate Shero se Uska Ji Bahlana chahta hu..

  Haa mai Use Pana Chahta hu...

  DOORIYAN...

  Jab Mohabbat me Khumar tha..

  Ye dasta tab ki hai jab Dilo me pyar tha..

  Jab Aasma.. Samander me nahaya karta tha

  Nadiyo me Dub
ta-Utraya karta tha..

  Titliyo se paheliya hua karti thi..

  Yu hi pholo se Athkheliya hua karti thi

  Ek din Zami ko dekhker Use ‘Kuchh Alag’ Ehsaas hua

  Isliye Wo Zami se milne ki Khatir thora aur paas hua..

  Dasta thoda aur jam gayi..

  Jab Zami se Nazre mili to uski Saase tham gayi

  Usne Aav dekha na Tav bus Dil ka raaj khol dala

  Samne ja ke Zami ke I.L.U bol dala..

  Zami pahle to sharmai per haule se sweekar ker liya

  Aasma ne bhi use pyar se Baho me Bher liya..

  Rishta yu hi chalta raha per Kudrat se na raha gaya

  Deewar banke Zami ka papa 'Kshitiz' bich me aa gaya..

  Aasma se bola tumhari zamat dusri hai..

  Dur ho jao meri Beti se tumhari ‘Jaat’ dusri hai..

  Aasma ne Zami se gher chhorkr shadi karne ki baat ki

  Per Zami ne fir kabhi na us se Mulaqat ki...

  Ik din uske Sapno ki barbadi ho gayi..

  Aasma dekhta raha aur Zami ki 'Mausam' se Shadi ho gayi..

  Tab se dono ki apni-apni Mazboriya hai..

  Samne hote hai phir bhi Dilo me 'Dooriya' hai...

  KhubsuratAlfaz

  HaleDil

  DastaneAshiqui

  AboutThePoet

  ConnectWithMe

  DEEWALI MUBARAQ...

  Ujalo se Dil kholkar milna

  Andhero ka Manjar badalna

  Sachhai ka daman bachana

  Burai ko jad se mitana..

  Asuo ko Ankho se bhagana

  Khushio ko Palko pe bithana

  Tanhaio ko Mahfilo me badalna

  Zindagi ke sath-sath chalna

  Ye kuchh bate hai jinki Deewali yad dilati hai

  Hum Jeet jaye her mushkil se isliye Maye Vijay Tilak lagati hai

  Ya Khuda is Deewali bas itni Gujarish hai..ki

  Kisi ki Ankho me nami na rahe

  Sabke hotho pe Hasi rahe

  Log Dusman se bhi Dil se mile

  Diye jab bhi jale Khushi ke jale...

  Deewali Mubarak...

  ******

  Thank you for reading my book. If you enjoyed it, won’t you please take a moment to leave me a review at your favourite retailer?

  Thanks!

  Saavan Sahib

  About the poet:

  Born in November 06,1986 at Uttar Pradesh,Saavansahib is well known for his beautiful and heart touching poetry. Mostly his poetries express the terminology of 'Love and Life'. The best thing in his poetry is that it is fluent with the vairity of Topics.

  Connect with Me:

  Follow me on Twitter: http//twitter.com/saavansahib

  Friend me on Facebook: http//facebook.com/saavan.sahib