Saavan: The Golden Heart Page 3

  Kya pata kal kisi se kahu na kahu,

  Sathiyo Naye saal ki mubarakbad

  Aaj hi dena chahta hu sabko..

  Kaun jane..

  Mai kal rahu na rahu.

  WO BURA HAI DIL KA...

  Kahi pighal na jaye meri aahe uski panaho me

  Wo bura hai dil ka.. Aisa log kahte hai...

  Kahi machal na jaye meri chahe uski baho me

  Wo bura hai dil ka.. Aisa log kahte hai...

  Kahi ulajh na jaye meri saase uski saaso me...

  Wo Bura hai Dil ka... aisa log kahte hai...

  Kahi badal na jaye meri rahe uske gunaho me...

  Wo Bura hai Dil ka.. aisa log kahte hai...

  JAHA CHHALAK JAYE AANSU...

  Jo ik bar muh chidhaye mujhko..

  Us Aaine pe hum dobara nahi savrte,

  Jis pe ikbar dill tut jaye..

  Us Chah ke liye dobara nahi bahkte,

  Tumhari tum jano sahib per..

  Apni to ye Aadat hai ki,

  Jaha ‘Chhalaq’ jaye ikbar meri Aankho se Aansu

  Us Raah se hum Taumra nahi Gujrte..

  MOHABBAT KE CHAKKAR ME....

  IS Mohabbat ke chakkar me

  Khud ko kitna sataya maine

  Uski mahfile sajate hue aksar

  Khud ko Aksar tanha paya maine

  Pal bher me jala baithi wo ashiyana mera

  Tinka-Tinka jodkar taumra jise banaya maine

  Meri khushi bhi use chubhti rahi

  Jiska her Aasu apni Aakhon me basaya maine

  Marke bhi uska ho na saka

  Jite ji ik pal bhi na jise bhulaya maine

  Ik Adad IKRAR ki chah me Tarsa her pal

  JINDAGI ‘Tu’ bata Tujhse kya paya maine.

  PYAR KE LIYE...

  Gum ki gahraiyo me dubta na to kya karta

  Hath khud Mohabbat ke Ehsas ne chhora hai

  Kaise dikhegi bhala chamak mere chehre pe

  Usne her ik aasu mere lahu se nichora hai

  Gair ki baat hoti to kab ka bhula deta sahib

  Dard hua jab muh kisi Apne ne moda hai

  Dil kare baya ger jazbat bhi to kis se

  Jab bhi toda hai kisi Khas ne toda hai

  Rishte banane me kisi ki sunta nahi Saavan per

  PYAR ke liye ab uske paas WOQT bahut thoda hai...

  GER TUJHE BHUL JAU TO...

  Sikko ki dagar me Garv se ger ful jau to

  Muqaddar ke thapedo se bas ikbar rula dena

  Rishto ki bhawar me ger jhul jau to

  Meri ruh ko ikbar Joro se hila dena

  Tujhko zindagi bhar dekhne ki

  Bas ik KHWAISH hai aie Maula...

  Zamane ki Numaish me Tujhe ger bhul jau to

  ‘Woqt’ ki god me mujhko Sula dena.

  DUWAO KA ASAR...

  Usne dekha jo Sar-e-Sham yu hi

  Meri TANHAI ke Silsile tal gaye..

  Wo jalati rahi Mandiro me Dipak aur..

  Meri Nakami ke Kafile jal gaye..

  Ise Kudrat ka karishma kahe ya

  Uski Duwao ka Asar...

  Bas ‘Maa’ ne Dil se pukara "Beta"

  Meri Manjilo ke Fasle dhal gaye.

  TU BOL...

  Mere ISHQ ka kya Falsafa hoga..

  Tu Bol tujhe Kuchh to pata hoga..

  Bahut socha hai isne tere bare me

  Iski yaad me Tune bhi to kabhi kuchh woqt diya hoga

  Tu hi bayan kar de iska akhiri Anjam..

  Iski adavat ka koi to Sila hoga.

  Tu milegi kabhi ise Zindagi ke kisi mod per

  Ya Teri chah me ‘Ye’ yu hi Fana hoga...

  Dastan-e-Aashiqi

  KINARA NA THA...

  Pyar kya cheez hai ye hamko nahi malum,

  Per tumse dur rahna is Dil ko gavara na tha.

  Bhatakta raha din-rat har gali me yu hi..

  Per Tumhare siva koi apna sahara na tha.

  Ulphat me kai bar Talasha ik sathi maine,

  Per apni tarah zahan me koi Awara na tha.

  Chahata to mai bhi le aata 'Tare Zamin per',

  Per kambakht Aasma me koi Sitara na tha.

  Dubna hi pada is ishq ki bhawar me humko Sahib..

  Kya karu apni kismat me koi 'Kinara na tha'.

  ISHQ....

  Ishq 'Zazba hai Bekhayali Ka' Tohmat Nahi

  Woqt zab bhi pada hai isne 'Jataya' hai Khud ko,

  Kiya Jaha ne 'Bekhud ise' jab bhi..

  Todkar 'har rashm' is ne Nibhaya hai Khud ko,

  Wafa nahi Zafa nahi 'Khud Khuda' hai ye..

  'Har Burai se' is ne bachaya hai Khud ko,

  Alfaz kaha.. jo bayan kare isko..

  Phir bhi bar-bar isne 'Sunaya' hai khud ko,

  Lakh koshishon me bhi na Bikharega ye..

  'Is Taz' me Ishq ne Sulaya hai Khud ko,

  Yaki nahi aata to khud se puchh lo..

  Aapke Dil me bhi ishq ne 'Jalaya hai' khud ko,

  'Wo Tanhai wo Sham' Aapne bhi to guzari hai..

  Jab is ishq ne 'in Hotho pe' khilaya tha khud ko,

  Ye Muskan ka raz ab bhi nahi samzhe to suno Saavan..

  Is ishq ne hi Jaha me 'Milaya' hai Sabko.

  THODI DER...

  ‘Pajeb ki jhankar’ se Kuchh yad aya...

  Ek Dhani si chuner, ek bali si umar..

  Sazili si dagr pe wo suhana safer.

  Lato me uljha wo chand sa mukhada,

  Khud wo noor thi ya noor ka tukda.

  Chatkile phulo pe bhavro ki gungun..

  Purane gito ki remix ki nayi dhun.

  Usne ate hi puchha..

  'Kaise ho tum, kya ker rahe ho..

  Kis shahr me ho, kya Shadi ker li'

  Mere to do bachhe hai.. Ek ka nam...!

  Aur dusra....!

  Zawab de sakta tha... Ki..

  "Thik hu, Bahut kuchh ker reha hu..

  Gher pe hi hu ajkal, Shadi nahi huyi..

  Tumhara intzaar ker raha tha.."

  Lekin kaha..

  "I am very fine & just Married"

  Zara jaldi me hu.. Phir kabhi milunga.

  Aur chal diya..

  Thodi der aur ruk jata to Aankhe ‘Sachhai’ bata deti...

  AISA LAGTA HAI...

  Aisi Sardiyo me..

  Har Pal mere hatho pe uska hath hua karta tha...

  Mere Her kadam pe uska saath hua karta tha

  Wo bolti thi kuchh Mai sunta tha kuchh phir bhi

  Hamesha ik-duje ka Ehsas hua karta tha...

  Wo Sadgi ki murat thi...

  Use meri aur mujhe uski jarurat thi

  Aaj mere hatho me uska hath nahi hai

  Wo sath hoker bhi Sath nahi hai

  Aaj Wo jo bolti hai mai wahi sunne ki koshish karta hu per Jane kyu..?

  Uski Kisi baat me uska Ehsas nahi hai

  Aaj Wo Sadgi ki Murat nahi hai..

  Jane kyu aisa lagta hai ki

  Use meri ZARURAT nahi hai

  WAJAH...

  Aa pila du tujhe apani wafa ka ik ghut saaki..

  Tu bhi jan jayega ki nasha kya chiz hai,

  Hogi barsat her taraf aise jalwo ki..

  Tu barbas kah padega ki Ada kya chiz hai,

  Hal-e-Dil baya karne ko lafz na milenge jab

  Tab tu samjhega ki Ishq ki intha kya chiz hai,

  Asuo se bhig ke ayegi jab khushi saaki..

  Tu khud jaan lena ki iska maza kya chiz hai,

  Diware na dikhengi per salakhe jazbato ki hongi..

  Pata chalega tujhko ki saza kya chiz hai,

  Kuchh bhi nahi hota uski barabari me sahib

  Tu kya jane ki pyar ka guma kya chiz hai,

  Roj phaste hai iske zaal me lakhon Saavan.

  Kaun jane ki iski ‘Wajah’ kya chiz hai.

  MERI KEEMAT...

  Kaha sahil kaha samander sab ek se dikhte hai

  Ye duniya paimane me barf ka guma sa lagti hai,

  Mushkile Khud ba khud bachati rahi hamse apne aap ko

  Meri Surat Badnasibiyo ka kafila sa lagti hai,

  Mail Zahil hu.. Gawar hu.. Aisa log kahte hai

 
; Is jamane me Wafadari ab Bala si lagti hai,

  Koi pahchanta nahi kisi bhikhari ko..

  Amir ke zuto me logo ki jaa lagti hai,

  Humne thukraya Khul-e-Aam jinko...

  Un sikko ki Zarurat ab her jaga lagti hai

  Sabhi kahte hai ki Bik jayega ‘Saavan’ bhi ik din

  Apko aie sahib 'Meri Kimat' kya lagti hai..?

  SAAVAN KISI KO RULATA NAHI...

  Saavan kabhi dard lata nahi

  Saavan kabhi dil jalata nahi

  Saavan her ik marz ki hai dawa

  Saavan kisi ko satata nahi,

  Saavan kisi ke liye hai khushi

  Saavan kisi ka hai sara jaha

  Saavan sabhi ke dilo me basa

  Na pochho ki Saavan ka gher hai kaha

  'Rashmiyo' sang hamesha machalta hai ye

  Saavan kahi aur jata nahi..

  Saavan kisi ko satata nahi..

  Saavan kisi ko rulata nahi,

  Kisi se fariyad karta nahi

  Kisi ko ye yaad karta nahi

  Hai Mahboob iska rago me basa

  Kisi aur pe ye merta nahi,

  Muskarana... Bas iski Ada ek hai

  Ashq ankho me kabhi ye lata nahi,

  Barse Saavan me Badal ye ghanghor hai

  Nache Saavan me charo taraf Mor hai

  Hai nahi reh gaya Gum ka nam-o-nisha

  Her taraf Ishq ka shor hi shor hai,

  Dil se Dil jodna iski fitrat me hai

  Hath kisi se kabhi ye milata nahi,

  Saavan ki Anokhi wo barsaat thi

  Saavan ki Dhudhli si wo rat thi

  Jis Ghadi tum mile the humse gale

  Saavan ke Taro ki Barat thi,

  Aise pal ko koi bhul pata nahi

  Aisa manjar kabhi roj ata nahi,

  Saavan kisi ko satata nahi

  Saavan kisi ko rulata nahi

  Seekh jate hai sab pyar karna yu hi

  Saavan kisi ko sikhata nahi..

  MAI JEENA CHAHTA HU....

  Mai jeena chahta hu.. Saavan

  Mai jeena chahta hu..

  Waha jaha koi jati na ho, koi bhed na ho

  Apne padosi se jaha kisi ko koi Khed na ho,

  Jaha rishte na ho, kasme na ho, wade na ho,

  Ik duze se ladne ke jaha irade na ho,

  Jaha Jism-o-faroshi ka prachar na ho

  Rupaye paiso ka jaha bhrastachar na ho,

  Jaha Amiri ke pichhe koi aniti na ho

  Garibi ko lekar jaha rajniti na ho,

  Jaha kisi ki koi mazboori na ho

  Jaha dilo me kisi ke koi duri na ho

  Jaha Mandir na ho na koi Masjid ho

  Jaha Dharmo ko lekar koi Zid na ho,

  Jaha na Hindu ho na koi Musalma

  Jaha na koi Puja ho na padhe koi Kalma,

  Jaha na Gum ka samander ho na Khushiyo ka manzar

  Jaha na Atit ki chinta ho na Bhavishya ka der,

  Jaha Gharo ke Aangan me diware na ho

  Jaha ki zami pe Sarhad ki Darare na ho,

  Jaha mile koi to puchhe kahiye kaise aaye

  Ye na puchhe ki waha gaye the kya laye,

  Jaha koi Police na ho, Na koi Apradhi ho

  Jaha kisi ke ‘Mann ki Baat’.. Adhi na ho,

  Jaha koi afsar na ho, na koi naukar ho

  Jaha kisi ke kadmo pe kisi ka 'Ser' na ho,

  Jaha ke Bujurg Lachari me Bikhrte na ho

  Jaha ke Bachhe.. ‘Bhokh’ se marte na ho,

  Jaha Maut ka kisi pe Raaj na ho

  Jaha Zindagi kisi ki Mohtaz na ho,

  Yaha se kahi dur le chalo Saavan mujhko

  Yaha se bahut dur..

  Yaha to sab kahte hai... "Ye mera hai, wo mera hai.."

  Yaha to Suraj ke rahte bhi charo or Andhera hai,

  Yaha kisi na kisi ki her pal Ruswai hai

  Yaha ki mahfilo me bhi Tanhai hai,

  Meri Saase tham rahi hai

  Meri Nabze jam rahi hai,

  Na jane kyu Saavan..

  Mera Dil machal raha hai

  Mujhe yaha se dur le chalo Saavan..

  Mera 'Dam' nikal raha hai...

  THE HUSBAND’S PROBLEM...

  Husband to Saasu ji...

  Mammi apni Beti ko dekh lo, ab to gher ke baher bhi kapde utarne lagi

  Bhid ko dekhker chaurahe pe seeti marne lagi,

  Subah se leker sham tak ye Aina niharti hai

  Chhat pe khadi hoker Gaav walo ko Aakh marti hai

  Baal iske dekho kya style se katwaye hai

  Gal iske dekho gubbare ki tarah fulaye hai

  Kisi gair ki paint aur kamiz pahnti hai

  Mana karne per mujhe 'Badtamiz' kahti hai

  Sare niyam kanono ko khuti pe tangti hai

  Logo se ik chumme ke badle 100 ka note mangti hai

  Subah iski Disco me hoti hai aur Dopher Pub me

  Sham ke saath-saath rat bhi gujarti hai club me

  Bolti hai aise jaise Vish ki funkar ho

  Dekhti hai aise jaise Bipasha ki awatar ho

  Kisi gair se lipatkar photo ye khichwati hai

  Dulha hume banaya hai aur chakkar padosi se chalati hai

  Hum to ise samjha-samjha ke Ub gaye

  Short me kahe to chullu bher pani me dub gaye

  Apni is Ladli ko ab aap hi samjhaiye

  Jitna jaldi ho sake action me aa jaiye

  Pani kahi Sir ke uper se na nikal jaye

  Bati jalti hi rahe aur Mom pighal jaye

  Saasu ji ne ‘Damad ji’ ko Samjhate hue kaha ...

  Beta Tum Bewajah chinta kerte ho

  Her pal her chhan apno se hi darte ho,

  Ger patni.. Pati se na lade to ye kaliyug ka apman hai

  Patni ka club me jana hi ajkal ki shan hai

  Socho bas ik chumme ke badle wo 100 rupye gher lati hai

  Kya hua ger sham ko wo pikar ke gher aati hai

  Koi kaam tumhara kabhi adega nahi

  Padosi jal me fasa raha to kabhi ladega nahi,

  'Badtamiz' wo upadhi hai jo kahi-kahi chalti hai..

  Tum to khushnasib ho jo tumhe her roz milti hai,

  Subah se leker sham tak wo Aina nihare

  Meri Dua hai ki wo sare Sansar ko line mare,

  Isi se tumhara aur uska Promotion hoga

  Bas isi se hamare Khan-Dan ka na raushan hoga,

  Niyam ya kanon wo nahi Manti hai

  Mane bhi kyu uska naam jo 'Ashanti' hai

  Apne naam ke saath chalna use sikhaya hai

  Mom ke bina bhi jalna use sikhaya hai,

  Uski parwarish ne mujhe Dharm-sankat me dal diya

  Britny banana chahti thi use aur tumne bas Bipasha kahke ‘Taal’ diya

  Ye Tumhari pahli aur akhiri galti hai aainda se khayal rakhna

  Meri Beti ko Bipasha nahi Pop-star ‘BRITNY’ kahna.

  MERE HUMSAFAR...

  Jab kabhi Ishq ki baat hoti hai

  Jab kabhi Jhom ke barsat hoti hai

  Jab kabhi Gher me kuchh khas hota hai

  Jab kabhi Khushi ka Ehsaas hota hai..

  Jab ye Palke dub-dub jhilmilati hai

  To Mere ‘Humsafer’ teri yaad ati hai..

  Jab kabhi koi Sapna Tuteta hai

  Jab kabhi koi apna Ruthta hai

  Jab kabhi Saaso ki kami si lagti hai

  Jab kabhi Aakho me nami si lagti hai..

  Jab kabhi hotho pe Fariyaad ati hai

  To mere Humsafer teri yaad ati hai...

  Jab kabhi apni Parchhai dikhayi deti hai

  Jab kabhi kisi ki Shahnai sunayi deti hai

  Jab kabhi Dil udas hota hai...

  Jab kabhi Akele-pan ka Ehsaas hota hai...

  Meri ankhe yu hi Aasuo se bher jati hai

  Aur mere Humsafer teri yaad ati hai...

  Jab kabhi koi apni Mahboba sang ghumta hai

  Jab koi kisi ko Pyar se chumta hai...

  Jab kisi ke Gesuo me koi Sota hai

  Jab apne dilber ke Agosh me koi hota hai

  Mere dill ki Dhadkane bhi khamkha badh jati hai...

  To mere Humsafer teri yaad aati hai...

  KABHI
MERE GHER ME...

  Kabhi mere gher me her din holi sa lagta tha,

  Kabhi mere gher me her roz Diwali hoti thi,

  Mere Baba apne Pople galo pe lagwate the gulal..

  Meri Dadi muskarati thi dekh ke unka ye hal,

  Mere chacha mujhe sham-o-saher godi me ghumate the..

  Meri chachi mujhe mujhe pyar se apne sine se lagati thi,

  Mere Abbu sab pe jaan lutate the..

  Meri Ammi sara gher chalati thi,

  Hil-Mil ke manate the hum her tyohar..

  Khushiyo se sarabor rahta tha mera parivar..

  Jane kiski hume nazar lag gayi..

  Sari khushiya Woqt ki Thokro se bikher gayi..

  Baba to Khuda ko pyare ho gaye..

  Dadi ki aankho ke najare kho gaye,

  Apna pet kat-kat ker Abbu ne karai jinki padhai..

  Eke-Eke 'Ete' ke batware me ladte hai wo bhai..,

  Bhai-bhai ke rishto me pad gayi hai Darare..

  Gher ke Angan me uth gayi hai Diware..

  Bado ki izzat karna to chhotto ka Farz hota hai...

  Per Dekhker gher ki Halat ‘Mujhe’ bada dard hota hai,

  Jane kyu log gher basate hai...

  Jane kyu log rishte banate hai

  Jane kyu tutete hai haste-khelte parivar..

  Jane kyu apne hi apno ke 'Dushman' ban jate hai.